TBC Capital: ტურიზმის ეტაპობრივი აღდგენა უნდა გაგრძელდეს
TBC Capital-ის მთავარმა ეკონომისტმა ყოველკვირეული ანგარიში წარმოადგინა, რომლის მიხედვითაც აგვისტოში, ტურიზმის სწრაფ აღდგენაზე პანდემიის მეოთხე ტალღის ნეგატიური გავლენა ძირითადად ისრაელიდან ვიზიტორების შემცირებით იყო გამოწვეული.
„მოლოდინების შესაბამისად, სექტემბერში ისრაელიდან ზრდა აღდგა, მთლიანობაში კი ტურისტული შემოდინებები დაახლოებით იმავე დონეზე დარჩა და აშშ დოლარში გამოხატვით 2019 წლის სექტემბრის 50.8% შეადგინა.
სამომავლოდ, ეტაპობრივი აღდგენა უნდა გაგრძელდეს, თუმცა ოქტომბერში, 2019 წელთან შედარებით უკვე მაღალი საბაზო ეფექტის გამო გარკვეული შემცირებაა მოსალოდნელი, რაც ასევე თვალსაჩინოა არარეზიდენტების ბოლო კვირის უნაღდო ხარჯებიდანაც. სექტემბრის გზავნილების დინამიკა ასევე მოლოდინებთან შესაბამისობაში იყო და წლიურმა ზრდამ 8.8% შეადგინა.“–აღნიშნავს, TBC Capital-ის მთავარი ეკონომისტი.
