საქართველოში გასტრონომიული რუკა შეიქმნება
საქართველოში გასტრონომიული რუკა შეიქმნება, სადაც რეგიონებისთვის დამახასიათებელი კერძები იქნება დატანილი. ამის შესახებ გადაცემა "ბიზნესპარტნიორს“ გასტრონიმიული ტურიზმის ბიზნეს ასოციაციის თანადამფუძნებელმა და ასოციაციის თავმჯდომარე, თამარ სიხარულიძემ განუცხადა.
მისი განმარტებით, გასტრონომიული ტურიზმის მიმართულებით ქვეყანას ძალიან დიდი პოტენციალი აქვს, ვინაიდან თითქმის საქართველოს ყველა რეგიონს, თავისი ავთენტური სამზარეულო აქვს.
"დღეის მდგომარეობით, რამდენიმე ასოციაციამ ტურიზმის ადმინისტრაციასთან ერთად მუშაობა დავიწყეთ, რომ რეგიონების მიხედვით კონკრეტული ადგილები შემოვიაროთ. ამის შემდეგ მოხდება ერთიანი რუკის შემუშავება და ამ ადგილების დატანა. ეს კი როგორც ადგილობრივ, ასევე საერთაშორისო სტუმარს კონკრეტულ რეგიონში კონკრეტული ადგილის პოვნაში დაეხმარება.“ -აცხადებს სიხარულიძე.
მისი ინფორმაციით, ამ ეტაპზე აღნიშნული პროექტის ფარგლებში საერთაშორისო მაგალითების კვლევა მიმდინარეობს. კერძო სექტორისა და სახელმწიფოს ერთიანი მუშაობით კი როგორც გასტრონიმიული ტურიზმის ბიზნეს ასოციაციის თანადამფუძნებელი აღნიშნავს,რამდენიმე წელიწადში ქვეყნის პოტენციალიდან გამომდინარე, საქართველო შეძლებს, რომ კონკურენცია ისეთ ქვეყნებს გაუწიოს, როგორიცაა იტალია, ესპანეთი და სხვა.
