საქართველო მსოფლიოში ცნობილ ბლოგერებსა და ინფლუენსერებს უმასპინძლებს

საქართველო მსოფლიოში ცნობილ ბლოგერებსა და ინფლუენსერებს უმასპინძლებს.

„ციფრული დღეები საქართველოში“ პროექტის ფარგლებში 26 მაისიდან 4 ივნისის ჩათვლით ამერიკული პლატფორმა Steller-ის საშუალებით Facebook-ის, Instagram-ის, Youtube-ისა და სხვა სოციალური ქსელების წამყვანი ბლოგერებისა და ინფლუენსერებისთვის პრეს-ტური მოეწყობა. ღონისძიების ფარგლებში საქართველოს 20-მდე ბლოგერი ეწვევა.

ბლოგერები და ინფლუენსერები ეწვევიან თბილისს, გუდაურს, სტეფანწმინდას, თრუსოს ხეობას, ქუთაისს, პრომეთეს მღვიმეს,  ბათუმს, მესტიას და სხვა ტურისტულად საინტერესო ადგილებს.

პრეს-ტურის მონაწილეები სოციალურ ქსელებში პოპულარიზაციას გაუწევენ საქართველოს სათავგადასავლო, ეკო, კულტურულ ტურისტულ მიმართულებებსა და პროდუქტებს. პროექტის ფარგლებში სოციალურ ქსელებში საქართველოს მიმზიდველი ადგილებისა და ხალხის შესახებ ასობით ისტორია მომზადდება. შექმნილი მედია პროდუქტი სოციალურ ქსელებთან ერთად Steller-ის ვებ გვერდზე განთავსდება.

პროექტი ხელს შეუწყობს საქართველოში ტურისტების მოზიდვას და ქვეყნის ტურისტული ცნობადობის გაზრდას, როგორც აშშ-ში, ასევე ევროპისა და სპარსეთის ყურის ქვეყნებში.

Steller-მა მსგავსი კამპანია 2019 წელს ირლანდიაში გამართა, შედეგად სოციალურ ქსელებში 72 მილიონი ნახვა და რეაქცია მიიღო.

მსოფლიოში ცნობილი ბლოგერებსა და ინფლუენსერებს ტურიზმის ეროვნული ადმინისტრაცია USAID-ის ეკონომიკური უსაფრთხოების პროგრამის მხარდაჭერით უმაპინძლებენ.