რაჭაში, სასტუმრო "სანსეტ შოვმა" ორწლიანი პაუზის შემდეგ ოპერირება განაახლა

რაჭაში, სასტუმრო „სანსეტ შოვმა“ ორწლიანი პაუზის შემდეგ ოპერირება განაახლა. 

კურორტ შოვში განთავსებული სასტუმრო, მომხმარებელს 30 კომფორტულ ნომერსა და 2 კოტეჯს სთავაზობს, რომლის მართვასაც საერთაშორისო მმართველი კომპანია Hotel Collection International-ი უწევს.  

„სანსეტ შოვის“ ტერიტორიაზე გასართობი ზონებია მოწყობილი, რომელიც სტუმრებს უფასოდ ემსახურება, მათ შორისაა - მაგიდის ჩოგბურთი, მაგიდის ფეხბურთი, ბილიარდი, დახურული კალათბურთის მოედანი, გარე კალათბურთის/ფეხბურთის მოედანი და საბავშვო ოთახი.

რაც შეეხება სასტუმროში განთავსევის ფასებს, "სანსეტ შოვში"  1 დღით დასვენების ღირებულება 200 ლარიდან იწყება და ნომრის ტიპის შესაბამისად იზრდება. განთავსების ფასში შედის საუზმე.

შეგახსენებთ,  რომ კურორტი ზღვის დონიდან 1600 მეტრზე, თბილისიდან 265 კმ-ში მდებარეობს. კლიმატი საშუალო ალპურია. შოვში ზამთარი ცივი და თოვლიანია, ზაფხული კი ზომიერად თბილი (აგვისტოს საშუალო ტემპერატურა დაახლოებით 17 °C გრადუსი ცელსიუსია).