PMC კვლევა: საქართველო ტურისტების პანდემიამდელ რაოდენობას 2023 წლისთვის მიიღებს
საქართველო ტურისტების პანდემიამდელ რაოდენობას 2023 წლისთვის მიაღწევს, - ასეთია PMC კვლევითმა ცენტრის გამოკითხვის შედეგები.
გამოკითხულ ექსპერტთა უმრავლესობის აზრით (53.3%) ტურისტების რაოდენობა პანდემიამდელ მდგომარეობას დაუბრუნდება 2023 წელს, 26.7%-ის აზრით 2024 წელს.
რესპონდენტებს სთხოვეს გაეკეთებინათ პროგნოზი, თუ რამდენად აღდგება ტურიზმიდან მიღებული შემოსავალი 2021 წელს, 2019 წლის მაჩვენებელთან შედარებით. 60% ვარაუდობს, რომ 2021 წელს მიღებული შემოსავალი 2019 წლის მაჩვნებლის 21-40%-ს გაუტოლდება.
აღსანიშნავია, რომ არც ერთი რესპონდენტი არ მიიჩნევს, რომ 2021 წელს ტურიზმიდან მიღებული შემოსავალი 60%-ზე მეტით აღდგება.
შეგახსენებთ, რომ საქართველოს ეკონომიკაში ტურიზმიდან შემოსავლების კონტრიბუცია 3 მლრდ იყო, 2019 წელს კი ქვეყანას რეკორდული რაოდენობის 9,3 მლნ საერთაშორისო მოგზაური ეწვია, საერთაშორისო ვიზიტორთა ვიზიტების რაოდენობამ 7,7 მლნ შეადგინა.
