Lufthansa Group-ის წევრი ავიაკომპანიები საქართველოს ბაზარზე შემოსვლას განიხილავენ
Lufthansa Group-ის წევრი ავიაკომპანიები საქართველოს ბაზარზე შემოსვლას განიხილავენ. საქართველოს აეროპორტების გაერთიანების დირექტორი თამარ არჩუაძე ცენტრალურ და აღმოსავლეთ ევროპაში Lufthansa Group-ის გაყიდვების უფროსს პეტერ პულემსა და რეგიონულ მენეჯერ, კარსტენ ცანგს შეხვდა.
"გვსურს, რომ Luftgansa Group-ი საქართველოს ავიაბაზარზე მაქსიმალურად პროდუქტიულად ვიყოთ წარმოჩენილი. მათ შორის ჩვენი სხვა ბრენდებით, რომლითაც ევროპის სხვადასხვა ქვეყანაში ვოპერირებთ,-‘’განაცხადა ცენტრალურ და აღმოსავლეთ ევროპაში Lufthansa Group-ის გაყიდვების უფროსს პეტერ პულემმა.
შეხვედრაზე აღინიშნა, რომ გერმანია საქართველოს ბაზრისთვის სტრატეგიულად მნიშვნელოვანი მიმართულებაა. ამ ეტაპზე, თბილისის საერთაშორისო აეროპორტიდან კვირაში 7 სიხშირით პირდაპირ რეგულარურ ფრენებს მიუნხენის მიმართულებით ავიაკომპანია LUFTHANSA ასრულებს, ხოლო დულესდორფის მიმართულებით Luftgansa Group-ში შემავალი დაბალბიუჯეტიანი ავიაკომპანია EUROWINGS, რომელიც ზაფხულის სეზონიდან ფრენებს შტუტგარდი-თბილისის მიმართულებით იწყებს. რაც შეეხება ქუთაისის საერთაშორისო აეროპორტს, პირდაპირ რეგულარულ რეისებს გერმანიის სამ ქალაქში: ბერლინში, დორტმუნდსა და მემინგენში ავიაკომპანია WIZZ AIR ასრულებს.
LUFTHANSA GROUP-ში შემავალი ავიაკომპანიებია: LUFTHANSA, EUROWINGS, AUSTRIAN, SWISS, BRUSSELS AIRLINES.
