ქუთაისის აეროპორტთან 500 ადგილიანი საპარკინგე სივრცის მოწყობა ზაფხულში დასრულდება
ქუთაისის საერთაშორისო აეროპორთან 500 ადგილიანი საპარკინგე სივრცის მოწყობა მიმდინარე წლის ზაფხულში დასრულდება.
როგორც აეროპორტების განვითარების ხელმძღვანელმა განმარტა, კომპანიასთან ხელშეკრულება უახლოეს პერიოდში გაფორმდება.
„კერძო სექტორის და მგზავრების მხრიდან ძალიან მოთხოვნადია ქუთაისის საერთაშორისო აეროპორტში საპარკინგე სივრცის მოწყობა. ჩვენ უკვე დავასრულეთ ტენდერი და ხელშეკრულების გაფორმება მიმდინარებს. ზაფხულის მეორე ნახევარში ახალი ხუთას ადგილიანი საპარკინგე სივრცე მზად იქნება.“-განმარტა ირაკლი ქარქაშაძემ.
მისივე თქმით, ქუთაისის საერთაშორისო აეროპორტშის განახლების ერთი ეტაპი 2021 წელს დასრულდა. პროექტში ჯამში 110 მლნ ლარის ინვესტიცია განხორციელდა.
„ეს მხოლოდ ნაწილია იმ ინვესტიციის, რომელიც დაგეგმილია ქუთაისის საერთაშორისო აეროპორტში. ჩვენ ვაგრძელებთ ქუთაისის აეროპორტის განვითარებას.“- აღნიშნა ირაკლი ქარქაშაძემ.
