იანვარ-მაისში საქართველოს 906 670 ტურისტი ეწვია

ტურიზმის ეროვნული ადმინისტრაციის ინფორმაციით, მაისში საქართველოს 359 238 საერთაშორისო მოგზაური ეწვია.

ზრდა 2021  წლის მაისის თვესთან შედარებით 228.5%-ს შეადგენს, საერთაშორისო მოგზაურების აღდგენის კოეფიციენტი 2019 წლის მონაცემებთან შედარებით კი 49.7%-ია. 

მაისში საერთაშორისო ტურისტული ვიზიტების რაოდენობამ 264 327 შეადგინა, რაც 173.9%-ით მეტია გასული წლის ანალოგიურ პერიოდთან შედარებით, ხოლო 2019 წლის აპრილის თვის მონაცემებთან შედარებით ტურისტული  ვიზიტები 62.3%-ით არის აღდგენილი.

2022 წლის იანვარ-მაისში საქართველოში 1 180 034 საერთაშორისო მოგზაურის ვიზიტი შედგა, ზრდა 2021 წლის 5 თვის მონაცემებთან შედარებით  257.8%-ია,  ხოლო 2019 წლის ანალოგიურ პერიოდთან შედარებით აღდგენამ 39.5% შეადგინა.

2022 წლის 5 თვეში  საერთაშორისო ტურისტული ვიზიტების რაოდენობამ 906 670 შეადგინა, რაც 213.8%-ით მეტია გასული წლის ანალოგიურ პერიოდთან შედარებით, ხოლო 2019 წლის მაისის თვის მონაცემებთან შედარებით ტურისტული  ვიზიტები 54.8%-ით არის აღდგენილი.