ფინანსთა სამინისტრო წელს ტურიზმიდან მიღებული შემოსავლების ზრდას ელის
ფინანსთა სამინისტრო წელს ტურიზმიდან მიღებული შემოსავლების ზრდას ელის.
როგორც ფინანსთა მინისტრის მოადგილემ, გიორგი კაკაურიძემ საფინანსო-საბიუჯეტო კომიტეტის სხდომაზე აღნიშნა, პირველი კვარტლის მაჩვენებლები ადასტურებს, რომ ტურისტების რიცხვის ზრდის დინამიკა გაგრძელდება.
„მოლოდინი გვაქვს, რომ ტურიზმიდან მიღებული შემოსავლები წელს გაიზრდება. პირველი კვარტალიც ამას ადასტურებს. ჯამში, პირველ სამ თვეში ტურიზმიდან ქვეყნის ეკონომიკაში 795 მლნ დოლარი შემოვიდა, რაც 2021 წლის მაჩვენებლებთან შედარებით ორჯერ მეტია, 2019 წლის პირველი კვარტლის მაჩვენებლებს კი 37%-ით აღემატება.
მოგეხსენებათ, პანდემიის პერიოდში ყველაზე დიდი დარტყმა ტურიზმის სექტორმა მიიღო, ჩვენ მნიშვნელოვნად შეგვიმცირდა ტურიზმიდან მიღებული შემოსავლები, თუმცა გასულ წელს საკმაოდ კარგი ტენდენცია იყო ამ კუთხით, შემოსავლებმა გადააჭარბა 2019 წლის მაჩვენებლებს.
თუმცა აღსანიშნავია,მიუხედავად იმისა რომ თანხობრივ მაჩვენებლებში ქვეყნის ეკონომიკაში მეტი მეტი თანხა შემოვიდა, ვიზიტორთა რაოდენობა მაინც იყო უფრო ნაკლები.“-აღნიშნა გიორგი კაკაურიძემ.
