"ბორჯომი ლიკანს" მყიდველი ისევ არ გამოუჩნდა

7,5 მლნ დოლარით გაიაფებული სასტუმრო „ბორჯომი ლიკანით“ მაინც არავინ დაინტერესდა. 

სასტუმრო კვლავინდებურად "საპარტნიორო ფონდის" მფლობელობაში რჩება. ეს სასტუმროს აუქციონზე გაყიდვის მეორე მცდელობა იყო. საწყისი გასაყიდი ფასი კი 30 მლნ დოლარი.

როგორც "ბიზნესპარტნიორს" "საპასრტნიორო ფონდში" განუცხადეს, აუქციონი ვერ შედგა მონაწილეთა არარსებობის გამო.

პირველი საჯარო აუქციონი სასტუმროზე 2019 წლის დეკემბერში გაიმართა, მაშინ საწყისი 37,5 მლნ დოლარი იყო. 

სასტუმროს კუთვნილებაში 156 600 კვ.მ მიწის ფართობი და სასტუმროს შენობა-ნაგებობები შედის. „საპარტნიორო ფონდის“ საკუთრებაში რჩება მიმდებარე მიწის ნაკვეთი - 234 ათასი კვ.მ. 

შეგახსენებთ, რომ ფონდი სასტუმროს 100%-იანი წილის მფლობელი 2018 წელს გახდა როდესაც „ბორჯომი ლიკანი“ ყაზახური მხარისგან გამოისყიდა, მანამდე მისი წილი სასტუმროში 50% იყო.