ადმინისტრაცია: ტურიზმის ეტაპობრივი აღდგენა გრძელდება

ტურიზმის ეროვნული ადმინისტრაცია სექტორის ეტაპობრივ აღდგენაზე აცხადებს, თუმცა პანდემიამდელ მაჩვენებელს საერთაშორისო მოგზაურთა ვიზიტების რაოდენობა 2021 წლის ოქტომბრის მაჩვენებელი ჯერ კიდევ 72%-ით ჩამორჩება.

ადმინისტრაცია განმარტავს, რომ ტურისტული ვიზიტების აღდგენა 10 თვის განმავლობაში ეტაპობრივად იზრდება. 2019 წელთან შედარებით კლების პროცენტი ყოველთვიურად მცირდება: იანვარში -90.4%; თებერვალი -85.5%; მარტი -84.4%; აპრილი -78.2%; მაისი -77.3%; ივნისი -71.7%; ივლისი -62.6%; აგვისტო -67.2%; სექტემბერი - 61.1%; ხოლო ოქტომბერში -57%-ს შეადგენდა.

სტატისტიკური მონაცემებით, 2021 წლის ოქტომბერში 2020 წლის ანალოგიურ პერიოდთან შედარებით 324%-ით გაიზარდა საერთაშორისო მოგზაურთა ვიზიტები და 220,705-ს მიაღწია.

ტურისტული ვიზიტების რაოდენობა ოქტომბერში 188,751-ით განისაზღვრა, რაც 2020 წლის ოქტომბერთან შედარებით 331.5%-ით მეტია, 2019 წლის ანალოგიურ პერიოდთან შედარებით 57%-ით ნაკლები.

2021 წლის იანვარ-ოქტომბერში საქართველოში 1,522,139 საერთაშორისო მოგზაურთა ვიზიტი შედგა, რაც 2020 წლის ანალოგიურ პერიოდთან შედარებით -7.7%-ით ნაკლებია, ხოლო 2019 წლის ათ თვესთან შედარებით -81%-ით ნაკლებია.

2021 წლის ათ თვეში საერთაშორისო ვიზიტორთა ვიზიტების რაოდენობამ 1,393,914 შეადგინა, რაც 2020 წლის ანალოგიურ პერიოდთან შედარებით -1.8%-ით ნაკლებია, 2019 წელთან შედარებით -79%)

ტურისტული ვიზიტების რაოდენობა 2021 წლის იანვარი-ოქტომბრის პერიოდში 1,281,524-ს შეადგენს, რაც 2020 წლის ანალოგიურ პერიოდთან შედარებით +27.5%-ით მეტია, ხოლო 2019 წლის 10 თვესთან შედარებით -71.1%-ით ნაკლებია.

წინასწარი მონაცემებით 2021 წლის სექტემბრის თვის მდგომარეობით შემოსავალი საერთაშორისო მოგზაურობიდან საქართველოში შეადგენს 161,862,751 აშშ დოლარს (ზრდა +933%), რაც 146,187,024 დოლარით მეტია 2020 წლის ანალოგიურ მაჩვენებელზე. 2019 წლის სექტემბერთან შედარებით კი კლება -156,770,174 დოლარს შეადგენს (კლება -49%)

2021 წლის იანვარი-სექტემბრის შემოსავალი საერთაშორისო მოგზაურობიდან საქართველოში შეადგენს 865,654,831 დოლარს, რაც 366,579,535 მეტია 2021 წლის ანალოგიურ მაჩვენებელზე (ზრდა +73%). 2019 წლის ანალოგიურ პერიოდთან შედარებით კი -1,717,184,741 დოლარით ნაკლებია (კლება -66%).