2024 წელს საქართველოში 5 საერთაშორისო ბრენდის სასტუმროს მშენებლობა დასრულდება
2024 წელს საქართველოში საერთაშორისო ბრენდის, 5 სასტუმროს მშენებლობა დასრულდება. ესენია:
Paragraph Resort Ganmukhuri;
Hilton Tbilisi;
Wellness Resort and Spa Mtsvane Kontskhi;
Paragraph Golf & Spa Resort Tabori Hill;
Royal Abastumani;
ტურიზმის ეროვნული ადმინისტრაციის ინფორმაციით, ორი ბრენდული სასტუმრო თბილისში განთავსდება. 200 ნომრიანი სასტუმრო Hilton Tbilisi ერთდროულად 350 ვიზიტორის მიღებას შეძლებს, რაც შეეხება Paragraph Golf & Spa Resort Tabori Hill-ს, მასში 177 ნომერი იქნება, ადგილების რაოდენობა კი 354.
Paragraph Resort Ganmukhuri 160 ნომრიანი იქნება, Royal Abastumani-ში 220 ოთახია დაგეგმილი, ხოლო, Wellness Resort and Spa Mtsvane Kontskhi, რომელიც ბათუმში აშენდება, 120 ნომრიანი იქნება.
ამასთან, როგორც ტურიზმის ეროვნული ადმინისტრაციის სტატისტიკიდან ირკვევა, 2023-25 წლებში საქართველოში ჯამში, 22 საერთაშორისო ბრენდის სასტუმრო აშენდება.
