სტარტაპი
01/12/2020

GITA-ს მხარდაჭერით სტარტაპ გრაინდის ტექნოლოგიური კონფერენციის სპიკერები სტივ ბლანკი და გაი კავასაკი იქნებიან

საქართველოს ინოვაციების და ტექნოლოგიების სააგენტოს მხარდაჭერით სტარტაპ გრაინდის ტექნოლოგიური კონფერენციის მთავარი სპიკერები სტივ ბლანკი და გაი კავასაკი იქნებიან.

სტარტაპ გრაინდის ევროპა-აზიის ტექნოლოგიური კონფერენცია 2020 წლის 10-12 დეკემბერს ვირტუალურად გაიმართება. ღონისძიებას 5,000-ზე მეტი მონაწილე და 100-ზე მეტი უმაღლესი რანგის სპიკერი ეყოლება.

 სტივ ბლანკი თანამედროვე მეწარმეობის ერთ-ერთ დამფუძნებლად მიიჩნევა. მას ეკუთვნის  Lean Startup მოძრაობის შექმნა და მისივე ავტორობით გამოიცა  სახელმძღვანელო სტარტაპებისთვის „ოთხი ნაბიჯი შემეცნებამდე“. სტივ ბლანკი კითხულობს ლექციებს სტენფორდის, კოლუმბიის, ბერკლისა და ნიუ იორკის უნივერსიტეტებში.

ანტრეპრენერი, ბრენდ ევანგელისტი და მარკეტინგის გურუ გაი კავასაკი მთელი მსოფლიოს მასშტაბით მარკეტინგის ერთ-ერთ საუკეთესო ექსპერტად ითვლება. ის არის 15-მდე ბესტსელერი წიგნის ავტორი, მენტორი და ერთ-ერთი საუკეთესო გამომსვლელი ინოვაციების, ტექნოლოგიებისა და სტარტაპებისთვის განკუთვნილ არაერთ პლატფორმაზე.       

სამდღიანი ვირტუალური კონფერენცია საქართველოს ინოვაციებისა და ტექნოლოგიების სააგენტოსთან პარტნიორობით იმართება და მონაწილეებს ექნებათ შესაძლებლობა, მოუსმინონ მსოფლიოს წამყვანი ტექნოლოგიური კომპანიების დამფუძნებლებს, პირისპირ გაესაუბრონ ინვესტორებს, გაიცნონ სხვა ქვეყნების სტარტაპების წარმომადგენლები და დაგეგმონ სამომავლო თანამშრომლობა.

ბილეთების შეძენა შესაძლებელია სტარტაპ გრაინდის ოფიციალურ ვებგვერდზე: www.startupgrind.ge

Businesspartner

მთავარი სიახლეები

ბიზნესი

რა კომპანიებში ფლობს წილს ხვიჩა მაქაცარია, რომელმაც “თელასის“ 24.5%-იანი წილი იყიდა
01

09/09/2020
ბიზნესი

"პასკა გემუანი" დიაბეტურ საკონდიტრო ნაწარმს გამოუშვებს
02

30/04/2021
ეკონომიკა

საქართველოსა და კორეას შორის თავისუფალ ვაჭრობაზე მოლაპარაკებები 2024 წლის თებერვალში გაიმართება
03

03/11/2023
მსოფლიო

გამოუყენებელი სატელიტური ანტენები შვეიცარიაში მზის გიგანტურ პანელებად გადააკეთეს
04

23/10/2023
სოფლის მეურნეობა

"ქვეყანას ბოსტენეულის წარმოებაში იმპორტის ჩანაცვლების პოტენციალი გააჩნია"
05

03/11/2023
ეკონომიკა

ირაკლი ღარიბაშვილი: 2024 წლის ბიუჯეტში, 5%-იანი ეკონომიკური ზრდა გვაქვს გათვალისწინებული
06

03/11/2023