ფაროსანას წინააღმდეგ ბრძოლაზე წელს ბიუჯეტიდან ₾9 მლნ დაიხარჯება
აზიურ ფაროსანას წინააღმდეგ ბრძოლაზე წელს ბიუჯეტიდან 9 მლნ ლარია გამოყოფილი. სოფლის მეურნეობის მინისტრის მოადგილის განმარტებით, ეს თანხა საოპერაციო ხარჯებს მოხმარდება.
„გასულ წელს ჩვენ მაქსიმალურად ეფექტურად გამოვიყენეთ ფერომონები, შხამქიმიკატები, ვფიქრობთ, თუ ფაროსანა კვლავაც გაგვიხდა სამართავი, მომავალ წლებში ბიუჯეტიდან უფრო მეტი თანხა დაგვჭირდება, მაგრამ წელს გამოყოფილი სახსრები საკმარისი იქნება იმისთვის რომ ფაროსანას პრობლემას წარმატებით გავართვათ თავი. ბოლო რამდენიმე წელია წარმატებით ხორციელდება აზიურ ფაროსანასთან ბრძოლა. უფრო მეტიც მსოფლიომ აღიარა ქართული გამოცდილება ამ მავნებელთან ბრძოლის საკითხში. მიღებული ცოდნის და გამოცდილების ექსპორტირებას ვახდენთ სხვადასხვა ქვეყანაში. მაგალითად, როგორიც არის იტალიაში, ავსტრალიასა და ახალ ზელანდიაში. ახლა კიდევ ირანმა გამოთქვა სურვილი, რომ ჩავუტაროთ შესაბამისი ტრენინგები. ეს არის მიზანმიმართული შრომის შედეგი. მიმდინარე წელსაც და მომავალშიც სახელმწიფო გააგრძელებს აზიურ ფაროსანასთან ბრძოლას. პროგრამა მაგრამ ნაკლები დანახარჯებით და მეტი მოდერნიზებით გაგრძელდება,“ - განაცხადა გელა ხანიშვილმა.
