დივერსიფიცირებული საექსპორტო ბაზრების შედეგი - "თბილღვინომ“ ექსპორტი 14%-ით გაზარდა

კოვიდ პანდემიას  „თბილღვინომ“ ექსპორტი 14%-იანი ზრდით უპასუხა.

როგორ კომპანიის აღმასრულებელმა დირექტორმა ზურაბ მარგველაშვილმა გადაცემაში „ბიზნესპარტნიორი“ განაცხადა, კომპანიას საკმაოდ დივერსიფიცირებული აქვს საექსპორტო ბაზრებზე პორტფელი, ამიტომ კლება ჩინეთსა და რუსეთის ბაზრებზე სხვა ქვეყნებში ზრდამ დააკომპენსირა.

“თბილღვინოს“ პარტნიორები 30-ზე მეტ ქვეყანაში ყავს და რა თქმა უნდა, ზოგი მათგანის აქტიურობა შემცირდა, ზოგის კი საერთოდ შეჩერდა. კონკრეტულად, რომ ვთქვათ, ეს ყველაზე მეტად ჩინეთის ბაზარს შეეხო, გაჩერებული ეკონომიკის პირობებში ექსპორტი მინიმუმამდე დაეცა“, - განაცხადა მარგველაშვილმა და აღნიშნა, რომ „თბილღვინოს“ პორტფელში ასევე არ არის დიდი წილით წარმოდგენილი რუსეთი, სადაც ექსპორტი მათი ჯამური მაჩვენებელის 25%-ს არ აღემატება.

კომპანიამ წელს პანდემიის პარალელურად, ქინძმარაულის მიკროზონაში, სოფელ ენისელში 42 ჰექტარზე გააშენა საფერავის ჯიშის ვენახიც. ამჟამად კომპანიის მფლობელობაში 270 ჰექტარი ვენახია.

ზურაბ მარგველაშვილის თქმით, მათი ღვინის ქარხნების საწარმოო მოცულობა უკვე  8.3 მლნ ლიტრია. წელს  საწარმოო სიმძლავრეების გაზრდაში ჩადებული ინვესტიციებით 1 მლნ ლიტრით მეტი ყურძნის წვენის გადამუშავება იქნება შესაძლებელი.