"აჭარა ჯგუფი" ქართული ნუშის ევროპის ბაზარზე გატანას გეგმავს
ქართული ნუში ექპორტზე გერმანიასა და ევროპის სხვა ქვეყნებში გავა.
როგორც „ბიზნესპარტნიორს“ "აჭარა ჯგუფის" დირექტორთა საბჭოს თავმჯდომარემ ვალერი ჩეხერიამ განუცხადა, კახეთში, სოფელ უდაბნოში 3 000 ჰექტარზე გაშენებული ნუშის ბაღების პირველი, შედარებით მცირე რაოდენობის მოსავალი უკვე მიღებულია.
„ორ წელში მოსავლის მთლიან რაოდენობას მივიღებთ. პროდუქტი ძირითადად ექსპორტზე იქნება ორიენტირებული. ჩვენ არ ვაპირებთ მხოლოდ ნუშის ექსპორტს. ევროპის ქვეყნებში, იქ სადაც პროდუქტზე მოთხოვნა მაღალია, ვგეგმავთ ნუშის რძისა და ნუშის ფქვილის გატანას,“ - განმარტა ვალერი ჩეხხერიამ.
მისივე განცხადებით, საექპორტო ბაზრებთან მოლაპარაკებები უკვე დაწყებულია და მალე აქტიურ ფაზაში გადავა.
ჩეხერიას განმარტებით, ნუშის ბაღების პროექტის საინვესტიციო ღირებულება 20 მლნ დოლარია, თუმცა ინვეტიციის მოცულობა მზარდია.
