ზვიად ჭუმბურიძე EU-ში გაწევრიანების განაცხადზე: საქართველომ არცერთი შეცდომა არ უნდა დაუშვას
საქართველოსთვის ევროკავშირის წევრობის კანდიდატის ქვეყნის სტატუსის მინიჭებაზე თანხმობის პროცესი გარკვეულ პერიოდს მოითხოვს. საქართველო-ევროკავშირის ბიზნესსაბჭოს თავმჯდომარის ზვიად ჭუმბურიძის განცხადებით, ამ დროის განმავლობაში კი, ქვეყანამ არცერთი შეცდომა არ უნდა დაუშვას.
"დაჩქარებული ტემპით უნდა დავიწყოთ იმ რეფორმებზე მუშაობა, რასაც ევროკავშირი საქართველოსგან ითხოვს. ეს შეეხება საარჩევნო სისტემას, მედიის თავისუფლებას, თავისუფალ სასამართლოს. დარწმუნებული ვარ, ევროკავშირისგან თანხმობა იქნება, თუმცა, პირობებით.
უკრაინის ფაქტორი რა თქმა უნდა დადებით როლს იმუშავებს დაჩქარების პროცესში, მაგრამ ევროკავშირი აუცილებლად თავის დათქმებს მოითხოვს. ეს აუცილებელიც არის. ჩვენ ფუნდამენტალური დემოკრატიული ღირებულებები უნდა შევასრულოთ და ჩამოვაყალიბოთ. იმიტომ არა რომ ეს ევროპას სჭირდება, ერთია რომ მას სჭირდება, მაგრამ პირველ რიგში ჩვენ ქვეყანას სჭირდება. ევროკავშირისგან დათქმები და მოთხოვნები აუცილებლად იქნება", - აღნიშნა ზვიად ჭუმბურიძემ.
