უმუშევრად დარჩენილები 200 ლარიან დახმარებას ისევ მიიღებენ

ფორმალურად დასაქმებული ადამიანები, რომლებმაც კრიზისის პერიოდში დაკარგეს სამსახური, 6 თვის განმავლობაში 200 ლარიან დახმარებას მიიღებენ.

მთავრობის გადაწყვეტილებით, პროგრამა 1-ელი იანვრიდან დაიწყება და 6 თვის განმავლობაში გაგრძელდება.

„ყველა ის ადამიანი, რომელმაც ამ კრიზისის პერიოდში დაკარგა სამსახური, მიმართავს სახელმწიფოს და მიიღებს ჯამში 1200 ლარიან დახმარებას. ჩვენ მიერ გამოცხადებული პირველი სოციალური დახმარების პაკეტის ფარგლებში ამ პროგრამით 125 000-მა ადამიანმა ისარგებლა. ვფიქრობთ, რომ პროგრამის ბენეფიციარი ახლაც დაახლოებით ამდენივე ადამიანი იქნება,“ - აღნიშნა პრემიერმინისტრმა.