უკრაინაში ომის გავლენა მსოფლიოსა და რეგიონზე - ლაშა ხუციშვილი ნიდერლანდელ კოლეგას შეხვდა
ფინანსთა მინისტრი ლაშა ხუციშვილი ონლაინ ფორმატში ნიდერლანდების სამეფოს პრემიერ-მინისტრის პირველ მოადგილეს, ფინანსთა მინისტრს, სიგრიდ კააგს შეხვდა.
მხარეებმა განიხილეს უკრაინაში რუსეთის აგრესიის შედეგად მიმდინარე საომარი მოქმედებების გავლენას მსოფლიოსა და რეგიონზე, ძირითადად სავაჭრო-ეკონომიკური მიმართულებით. ისაუბრეს ეკონომიკური განვითარების სავარაუდო ტენდენციები და სამომავლო თანამშრომლობის გზები.
ფინანსთა მინისტრმა კოლეგასთან, ასევე, განიხილა საქართველოს მიერ ევროკავშირის კანდიდატი ქვეყნის მინიჭების თაობაზე გაკეთებული განაცხადის მნიშვნელობა და ამ გზაზე გასატარებელი რეფორმები და სამომავლო ნაბიჯები.
ლაშა ხუციშვილმა სიგრიდ კააგს მადლობა გადაუხადა იმ აქტიური მხარდაჭერისთვის, რომელსაც ნიდერლანდების სამეფო, ტრადიციულად უწევს საქართველოს, განსაკუთრებით, საერთაშორისო სავალუტო ფონდსა და მსოფლიო ბანკში, სადაც საქართველოს წარმოადგენენ ჰოლანდიელი აღმასრულებელი დირექტორები.
დასასრულს, მინისტრები შეთანხმდნენ აქტიურ თანამშრომლობაზე, მათ შორის, რეგიონში მოვლენების განვითარების კვალდაკვალ, მხარდაჭერის დამატებითი საჭიროებების იდენტიფიცირების მიზნით.
