თხილამურსა და სნოუბორდში 2023 წლის მსოფლიო ჩემპიონატი ბაკურიანში ჩატარდება
თხილამურსა და სნოუბორდში 2023 წლის მსოფლიო ჩემპიონატი ბაკურიანში ჩატარდება.
პრემიერმა აღნიშნა, რომ ჩემპიონატთან დაკავშირებით ინტენსიური სამუშაოები მიმდინარეობს.
"მოეწყობა 3 ახალი სასრიალო ტრასა, ხელოვნური ტბები და სხვა. უამრავი სამუშაო ტარდება, რაც საბოლოო ჯამში, ბაკურიანს და ჩვენს მოსახლეობას დარჩება", - განაცხადა ირაკლი ღარიბაშვილმა.
თავისუფალი სტილით თხილამურსა და სნოუბორდში სრიალის 2023 წლის მსოფლიო ჩემპიონატი საქართველოში გაიმართება. გადაწყვეტილება საბერძნეთში, 2018 წლის 17 მაისს გამართულ კონგრესზე საერთაშორისო სათხილამურო ფედერაციამ მიიღო. ჩემპიონატის საქართველოში გამართვაზე, ქვეყანამ ოფიციალური განაცხადი 2017 წლის აპრილში წარადგინა.
ირაკლი ღარიბაშვილის თქმით, 2022 წლის 18-19 თებერვალს და 5-6 მარტს ბაკურიანი მსოფლოს თასის ეტაპებს უმასპინძლებს, რომელიც საერთაშორისო ფედერაციასთან აღებული ვალდებულების ნაწილია.
