საზოგადოება
02/05/2021
თბილისი-ზუგდიდის მიმართულებით მოძრავი მატარებელი ლიანდაგიდან გადავიდა - რკინიგზა განცხადებას ავრცელებს
ხაშური ზესტაფონის მონაკვეთზე, სოფელ მარელისთან თბილისი-ზუგდიდის მიმართულებით მოძრავი მატარებლის მეოთხე ვაგონი ლიანდაგიდან გადავიდა.
როგორც საქართველოს რკინიგზის განცხდებაშია ნათქვამი, მატარებელი ჯერ-ჯერობით დაუზუსტებელი მიზეზების გამო, ლიანდაგს აცდა ორი გორგოწყვილით.
შემთხვევის შედეგად არავინ დაშავებულა. ამ ეტაპზე კომპანიის მთავარი საზრუნავი მგზავრების უსაფრთხოება და მათი სხვა მატარებელში გადაყვანაა.
კომპანიამ დამატებითი მატარებელი მარელისში უკვე გაგზავნა. საქართველოს რკინიგზა წუხს მომხდარის გამო და შექმნილი დისკომფორტისა და დაგვიანებისთვის მგზავრებს ბოდიშს უხდის. თითოეულ მგზავრს მგზავრობის თანხა სრულად აუნაზღაურდება. პარალელურად, მიმდინარეობს შემთხვევის მოკვლევა და მიზეზების დადგენა.
