საქართველოში 1 თვით საგანგებო მდგომარეობა ცხადდება
ვირუსის გავრცელების შეფერხების მიზნით, მთავრობამ საგანგებო მდგომარეობის შემოღება გადაწყვიტა. საგანგებო მდგომარეობა მას შემდეგ ამოქმედდება რაც მთავრობა ქვეყანაში საგანგებო მდგომარეობის გამოცხადების მიზნით, დასამტკიცებლად პრეზიდენტს მიმართავს.
პრემიერის თქმით, გადაწყვეტილება იმან განაპირობა, რომ ქვეყანა ვირუსის გავრცელების ახალ, შიდა გავრცელების ეტაპზე გადავიდა.
საგანგებო მდგომარეობა 2020 წლის 21 აპრილამდე გაგრძელდება.
პრემიერმა ჩამოთვალა ყველა ის ღონისძიება, რომელიც ამ ხნის განმავლობაშია მიღებული, მათ შორის დისტანციურ მუშაობასა და სწავლებაზე გადასვლა, შეზღუდვები საზღვარზე, ფრენების აკრძალვა, სავაჭრო ობიექტების მუშაობის შეზღუდვა და სხვა.
საქართველოში კორონავირუსით ინფიცირებულია 47 ადამიანი, ერთია გამოჯანმრთელებული. გაიზარდა. კარანტინის რეჟიმშია 200-მდე ადამიანი, სტაციონარში მეთვალყურეობის ქვეშ 259.
