პრეზიდენტი: ხელისუფლებამ ქვეყნისთვის ისტორიულ განაცხადს ხელი ერთპიროვნულად მოაწერა
საქართველოს პრეზიდენტი უკრაინაში მიმდინარე მოვლენების პარალელურად ხელისუფლების მიერ განხორციელებულ ქმედებებს აკრიტიკებს.
სალომე ზურაბიშვილმა ყურადღება გაამახვილა საქართველოს მიერ ევროკავშირში მიღების დაჩქარებულ განაცხადზე ხელმოწერის საკითზეც და თქვა, რომ ეს ნაბიჯი ხელისუფლებამ ერთპიროვნულად გადადგა.
"სიფრთხილისა, თუ შიშის ვეც ერთი არგუმენტი ვერ ამართლებს იმას, რომ ღირსეულად სიტყვით მაინც ვიდგეთ იქ, სადაც სინდისი და ქართველობა მოითხოვს. ხელისუფლება სცოდავს, როცა ამ გარდამტეხ მომენტში ქვეყნისთვის ისტორიული განაცხადი, ევროპის წინაშე ერთობლივი ხელმოწერით გამყარებული კი არ წარსდგა, როგორც სრული სახელმწიფოებრივი კონსოლიდაციის ნიშანი, არამედ არჩია თავის თავში ჩაკეტვა და ერთპიროვნულად ხელის მოწერა. ხელისუფლება სცოდავს, როცა პარტიას ეძლევა უპირატესობა, სახელმწიფო ინსტიტუტების ნაცვლად გადაწყვეტილების მიღებაში, თუ გასაჯაროვებაში. როცა სახელმწიფო უწყებებს შორის მთავარი გადაწყვეტილებები არ იხილება ერთობლივად და ინფორმაცია არ ზიარდება, ვინმე დაიჯეტრებს, რომ ასეთ მნიშვნელოვან ვითარებაში არცერთხელ არ შეკრებილა უსაფრთხოების საბჭო, არცერთხელ არ ყოფილა განხილული სამხედრო საქმეები უმაღლესი მთავარსარდლის დასწრებით. სასწრაფოდ გამოსასწორებელია ეს მანკიერი ფორმები",- განაცხადა ზურაბშვილი.
