ფოტო: on.ge
საზოგადოება
07/12/2021
ნაჯა ორაშვილი: მალე შევხვდებით საცეკვაო მოედნებზე
ბასიანის ერთ-ერთი დამფუძნებელი ნაჯა ორაშვილი თითქმის 2-წლიანი პაუზის შემდეგ კლუბების 17 დეკემბერს გახსნას აანონსებს.
ნაჯა ორაშვილი სოციალურ ქსელში წერს, რომ სამოქმედო გეგმას საფუძვლად უდევს ღია და დახურულ სივრცეებში ჩატარებული ორი საპილოტე ღონისძიების კვლევის შედეგი.
"ელექტრონული მუსიკისა და საკლუბო კულტურის აღდგენის ფონდის და Act4culture / The Cultural and Creative Industries Union of Georgia -ის მიერ ინიციირებული უსაფრთხო ღონისძიებების იდეა მხარდაჭერილია.
სამოქმედო გეგმას საფუძვლად უდევს ღია და დახურულ სივრცეებში ჩვენს მიერ ჩატარებული ორი საპილოტე ღონისძიების კვლევის შედეგი. ამ ეტაპზე მიმდინარეობს სახელმძღვანელო დოკუმენტში ტექნიკური საკითხების დაზუსტება, იმისთვის რომ ელექტრონული მუსიკის სივრცეებმა მოიპოვონ უსაფრთხო ღონისძიებისთვის საჭირო მწვანე სტატუსი.
17 დეკემბერს, თითქმის ორ წლიანი პაუზის შემდეგ, საქართველოს მასშტაბით კლუბების კარი გაიხსნება და იმედი მაქვს, აღარასოდეს დაიხურება.
მადლობა ყველას, ვინც ერთგულად და მტკიცედ დაიცვა საკლუბო კულტურის მთავარი მონაპოვარი - უსაფრთხო სივრცის იდეა, სადაც ზრუნვა და ცოდნის გაზიარება ფუნდამენტურ პრინციპს წარმოადგენს.
მალე, შევხვდებით საცეკვაო მოედნებზე", - წერს სოციალურ ქსელში ნაჯა ორაშვილი.
