მართვის მოწმობა საქართველოში ქალების მხოლოდ 20%-ს აქვს

მიუხედავად იმისა, რომ ყოველწლიურად საქართველოში ქალ მძღოლთა რაოდენობა იზრდება, 2020 წლის მონაცემებით, ქალების მხოლოდ 20%-ს აქვს მართვის მოწმობა.

ეს მაჩვენებელი მომავალში მოთხოვნის ზრდის შესაძლებლობაზე მიუთითებს და როგორც Galt & Taggart-ი ვარაუდობს, მომდევნო 10 წლის განმავლობაში ყოველწლიურად საშუალოდ 32 ათასი ქალი აიღებს მართვის მოწმობას.

ამავდროულად ქალი მძღოლების რაოდენობის ზრდა ავტომობილებზე მოთხოვნის წახალისების ფაქტორად მიიჩნევა. 2019 წელს გაცემული მართვის მოწმობების 45.6% ქალებს ეკუთვნოდათ, 2010 წელს იგივე მაჩვენებელი 23.9% იყო.

რაც შეეხება კაცებს, მართვის მოწმობას 72% ფლობს.