ლაშა ხუციშვილი: საჯარო მოხელეებს ხელფასი ყოველწლიურად უნდა გაეზარდოთ
ლაშა ხუციშვილი კვალიფიციური საჯარო მოხელეების ხელფასების ყოველწლიური ზრდის ინიციატივით გამოდის.
მინისტრი საკანონმდებლო დონეზე კონკრეტული წესების ჩამოყალიბების მომხრეა, რამდენადაც მიაჩნია, რომ კვალიფიციური კადრების საჯარო სექტორში არსებობა ეფექტური ბიუროკრატიისთვის მნიშვნელოვანია.
"საჯარო სამსახურის ეფექტურობა, სახელმწიფოსთვის მნიშვნელოვანი რეფორმების განხორციელება და მაღალი და მდგრადი მიზნების მიღწევა შეუძლებელია ეფექტური ბიუროკრატიის, მაღალი კვალიფიკაციის კადრების საჯარო მოხელეების გარეშე. როდესაც ვსაუბრობთ გრძლევადინ მიზნების მიღწევაზე, აუცილებელია გარკვეული რესურსი მიიმართოს საჯარო მოხელეთა ხელფასების მოწესრიგებაზე", - განაცხადა ლაშა ხუშცილმა.
მისი განმარტებით, ეს სახელმწიფოს საშუალებას მისცემს საჯარო სექტორში კვალიფიციური კადრები შეინარჩუნოს.
"ქვეყნის განვითარებისთვის აუცილებელია საჯარო სექტორში ანაზღაურება დაუახლოვდეს კერძო სექტორში იმავე კვალიფიკაციის დასაქმებულთა ანაზღაურებას", - განაცხადა მინისტრმა.
ლაშა ხუციშვილმა ფინანსთა სამინისტროს 10-წლიანი გეგმის პრეზენტაციაზე განაცხადა, რომ კვალიფიციური მოხელის ხელფასის ზრდა არ უნდა გახდეს მუდმივი პოლიტიზირების საგანი ქვეყანაში და საკანონმდებლო დონეზე უნდა ჩამოყალიბდეს გარკვეული წესები თუნდაც ფორმულები რომლის მიხედვითაც ყოველწლიურად განხორციელდება კვალიფიციური საჯარო მოხელეების ხელფასების ზრდა და შენარჩუნებული იქნება კონკურენტუნარიანობა.
"შედეგად ჩვენ გვეყოლება სათანადო კვალიფიკაციის საჯარო სექტორი, უფრო მეტად ეფექტური ბიუროკრატია, რაც ქვეყნის ინსტიტუტების სიძლიერის მნიშვნელოვანია გარანტიაა", - განაცხადა ფინანსთა მინისტრმა.
