"კონსულტაციებისთვის მიწვევენ" - უკრაინის ელჩი საქართველოში
უკრაინის ელჩი საქართველოში იგორ დოლგოვი აცხადებს, რომ უკრაინაში კონსულტაციებისთვის გაიწვიეს.
მისი თქმით, ისეთი საკითხებია განსახილველი, რომელზეც ტელეფონით არ საუბრობენ.
"ზუსტად არ ვიცი, რა არის განსახილველი, თუმცა როგორც ჩანს, ბევრი რამ უნდა განვიხილოთ. ასეთ თემებზე ტელეფონით არ საუბრობენ და კონსულტაციებისთვის უკრაინაში ჩასვლის ინსტრუქცია მომცეს", - განაცხადა იგორ დოლგოვმა "მთავარ არხთან".
რაც შეეხება უკრაინაში მოხალისეების წასვლის სურვილს, ელჩმა განაცხადა, რომ მთავრობა საომარ მოქმედებებში მოხალისედ წასვლის მსურველებს წინააღმდეგობას ვერ გაუწევს. კითხვაზე, ექიმებსაც აუკრძალეს თუ არა უკრაინაში წასვლა, დოლგოვი ამბობს, რომ არავის არაფერი აუკრძალავს.
შეგახსენებთ, უკრაინის პრეზიდენტმა ვოლოდიმირ ზელენსკიმ პრენსკონფერენციაზე განაცხადა, რომ საქართველოდან ელჩს იწვევს.
მისი თქმით, ქართულმა მხარემ ხელი შეუშალა ქართველი მოხალისეების უკრაინაში გამგზავრებას, ასევე სანქციების მიმართ ამორალური პოზიციები დაფიქსირდა.
