საზოგადოება
26/02/2022
ჯპს და ფარმადეპო უკრაინელ მოქალაქეებს 100 ლარიანი სააფთიაქო ვაუჩერებით დაეხმარება
სააფთიაქო ქსელი "ჯპს", "ფარმადეპოსთან" ერთად, უკარინელ ხალხს მხარდაჭერას უცხადებს და დახმარებას სთავაზობს.
კომპანიის განცხადებით, თითოეული უკრაინელი მოქალაქე საჩუქრად მიიღებს სააფთიაქო ჰუმანიტარულ 100 ლარიან ვაუჩერს ჯპს-ს ან ფარმადეპოს სააფთიაქო ქსელისგან.
ჯამში გამოყოფილი იქნება 1 მილიონ ლარზე მეტი ღირებულების ჰუმანიტარული დახმარება.
"ჯპს-ს თანამშრომლები, მთელი გუნდი გვერდში ვუდგავართ და სოლიდარობას ვუცხადებთ უკრაინელ ხალხს.
ვაუჩერის მიღებას და განაღდებას შეძლებთ ჯპს-ს ან ფარმადეპოს ნებისმიერ ფილიალში, ამისთვის საჭიროა წარადგინოთ თქვენი პასპორტი. ჩვენ მოვუწოდებთ კოლეგებს სხვადასხვა ფარმა კომპანიებიდან შემოგვიერთდნენ ამ მნიშვნელოვან წამოწყებაში."–ნათქვამია განცხადებაში.
