ირაკლი ღარიბაშვილი: პრეზიდენტი შეცდომაშია შეყვანილი
არსებული გამოწვევების პირობებში, ფართომასშტაბიანი ომის დროს საქართველოს პრეზიდენტი, ქვეყნის მთავარსარდალი უნდა ყოფილიყო და უნდა იყოს ქვეყანაში, - პრემიერმა პარტიის პოლიტსაბჭოს ქვეყნის პრეზიდენტის გასამართლების გადაწყვეტილებაზე განაცხადა.
ირაკლი ღარიბაშვილს მიაჩნია, რომ სალომე ზურაბიშვილს ევროპის ლიდერებთან შეხვედრები არ უნდა გაემართა.
„კონსტიტუცია განმარტავს, რომ ნებისმიერ ასეთ შემთხვევაში საქართველოს პრეზიდენტი ვალდებულია, საკითხი შეათანხმოს საქართველოს მთავრობასთან და მთავრობა გასცემს თანხმობას ან უარს ნებისმიერი საგარეო ვიზიტის დაგეგმვის და განხორციელებისას.
მისი თქმით, უმაღლესი თანამდებობის პირებს, მათ შორის პრეზიდენტსაც მართებს ქვეყნის მთავარი კანონის, კონსტიტუციის დაცვა, რაშიც პრეზიდენტს ედება ბრალი. ქვეყნიდან გასვლა მთავრობასთან უნდა შეეთანხმებინა, რაზეც უარს მიიღებდა.
ამასთან ღარიბაშვილმა აღნიშნა, რომ პრეზიდენტი შეცდომაში შეიყვანეს და იმედი აქვს, რომ მალე ყველაფერი გაირკვევა.
კონსტიტუციის დარღვევისთვის პოლიტსაბჭომ ზურაბიშვილის მიმართ საქმე საკონსტოტუციო სასამართლოში აღძრა.
