საზოგადოება
08/07/2021
გარე რეკლამების განთავსებაზე აუქციონის საწყისი ღირებულება 32 მლნ ლარია
დედაქალაქის მერიამ თბილისის მუნიციპალიტეტის მასშტაბით რეკლამების განთავსების საპრივატიზაციო უფლების მოპოვებაზე აუქციონი გამოაცხადა.
თბილისის მერის კახა კალაძის განცხადებით, საპრივატიზაციო უფლება მოიცავს 15 წლის განმავლობაში მუნიციპალიტეტის ტერიტორიაზე გარე რეკლამების განთავსებას.
მისი ინფორმაციით, აუქციონის საწყისი ღირებულებაა 32 მილიონი ლარი.
“დარწმუნებული ვარ, ბევრი დაინტერესებული პირი იქნება და ეს თანხა გაცილებით გაიზრდება, უფრო მეტი შემოსავალი ექნება მუნიციპალიტეტს, რაც რა თქმა უნდა გამოიყენება უკვე დედაქალაქის მასშტაბით სხვადასხვა მნიშვნელოვანი პროექტების განხორციელებისათვის.
დაინტერესებულმა პირებმა შეგიძლიათ მოგვმართოთ და 1 თვის განმავლობაში მიიღოთ სრულყოფილი ინფორმაცია ამ აუქციონთან დაკავშირებით“, - განაცხადა კახა კალაძემ.
