დუშეთის საფეხბურთო კლუბი "არაგვი" იყიდება

დუშეთის საფეხბურთო კლუბი „არაგვი" იყიდება.

კლუბის 100% ამჟამად დუშეთის მუნიციპალიტეტს ეკუთვნის. 2020 წლიდან კლუბი ლიგა 3-შია და ქართული ფეხბურთის განვითარების ფონდიდან ფინანსდება. 2021 წელს ფონდიდან მისაღები საბაზისო დაფინანსება 250 000 ლარია.

"საფეხბურთო კლუბი არაგვს" უძრავი ქონება არ გააჩნია. აქტივები 5846 ლარია. მიმდინარე ვალდებულებები ერიცხება სულ 191 195 ლარი კერძოდ: ბანკის და სხვა სესხები 45000 ლარი, ვალდებულებები თანამშრომლების მიმართ 100 878 ლარი, საშემოსავლო გადასახადის ვალდებულება 28 519 ლარი, დარიცხული ვალდებულებები და გადავადებული შემოსავალი 5193 ლარი, სხვა მიმდინარე ვალდებულებები 11605 ლარი.

კლუ ბის 100%-ის საწყისი ფასი 48300 ლარია, „ბიჯი“ 1300 ლარს შეადგენს.

აუქციონი 7 აპრილს 15:00 სთ-ზე სრულდება.