ახალი კვლევის მიხედვით, Pfizer-ის მეოთხე დოზა ომიკრონის წინააღმდეგ ნაკლებად ეფექტიანია

Pfizer-BioNTech-ის ვაქცინის მეოთხე დოზა არასაკმარისი აღმოჩნდა ომიკრონის ინფექციის თავიდან ასაცილებლად, წინაწარი მონაცემები ისრაელმა გამოაქვეყნა, სადაც ნახევარ მილიონზე მეტმა მოქალაქემ ვაქცინის დამატებითი დოზა მიიღო.

"თელ-ავივში, Sheba Medical Center-ის 154 სამედიცინო პერსონალზე ჩატარებული ცდის დაწყებიდან ორი კვირის შემდეგ, მკვლევარებმა დაადგინეს, რომ ვაქცინა ზრდის ანტისხეულების დონეს, მაგრამ მხოლოდ ნაწილობრივ იცავს ომიკრონის წინააღმდეგ. ვაქცინები, რომლებიც უფრო ეფექტური იყო კორონავირუსის წინა შტამების წინააღმდეგ, omicron-ის მიმართ ნაკლებად ეფექტურია."– თქვა წამყვანმა მკვლევარმა.

Sheba-ს მკვლევარები ასევე ატარებენ ტესტირებას Moderna-ს ვაქცინის მეოთხე დოზის გამოყენებით 120 მოხალისეზე, რომლებსაც გაკეთებული აქვთ Pfizer-BioNTech-ის 3 დოზა.– ინფორმაციას Bloomberg–ი აქვეყნებს.

გასულ კვირას ევროკავშირის მარეგულირებლებმა განაცხადეს, რომ Covid-19-ის ხშირმა გამაძლიერებელმა აცრებმა შეიძლება შეასუსტოს იმუნური სისტემა.

ინფორმაციისთვის, ისრაელმა ვაქცინის მეოთხე დოზის გამოყენება 60 წელზე უფროსი ასაკის ადამიანებისთვის დეკემბრის ბოლოს დაიწყო, რადგან ქვეყანაში ინფიცირების შემთხვევებმა მკვეთრად იმატა.