28 ნოემბრიდან ჩერდება მეტროც

გიორგი გახარია განმარტავს, რომ 28 ნოემბრიდან ტრანსპორტზე დაწესებული შეზღუდვები მეტროსაც ეხება. მისი ინფორმაციით, ტაქსებთან მიმართებაში სპეციფიური შეზღუდვები არ წესდება გარდა იმისა, რაც უკვე მოქმედებს – პირბადის ტარება და მგზავრთა რაოდენობის შეზღუდვა.

„ტაქსებთან მიმართებაში არანაირი სპეციფიური შეზღუდვა გარდა პირბადის ტარების, რაოდენობის შეზღუდვის, არ წესდება. რაც შეეხება მეტროს, როდესაც ვსაუბრობ, რომ მუნიციპალური ტრანსპორტი ჩერდება, მათ შორის ჩერდება მეტროც. ჩერდება ყველა სახის მუნიციპალური ტრანსპორტი, როგორც საავტომობილო, ასევე მეტროც“, – განაცხადა გახარიამ.

საკოორდინაციო საბჭოს გადაწყვეტილებით 28 ნოემბრიდან 15 იანვრის ჩათვლით მუნიციპალური ტრანსპორტი არ იმუშავებს თბილისში, თელავში, ბათუმში, ქუთაისში, რუსთავში, გორში, ფოთსა და ზუგდიდში.ამ ქალაქებში გადაადგილება შესაძლებელი იქნება მხოლოდ ტაქსითა და პირადი მანქანით. თუმცა ამ ქალაქებშიც ისევე, როგორც მთელი საქართველოს მასშტაბით 21:00 საათიდან 05:00 საათამდე ქუჩაში გასვლა აკრძალულია.

გარდა ამ შეზღუდვებისა, მთავრობამ 28 ნოემბრიდან კეტავს მოლებსა და ბაზრობებს, რესტორნებს კი სტუმრების მიღებას უკრძალავს.