ტრამპის ბოლო დარტყმა ჩინეთის ეკონომიკაზე
კიდევ უფრო მეტი სანქცია და აკრძალული ინვესტიციები, - თანამდებობის ბოლო დღეებში დონალდ ტრამპმა ჩინეთის უმსხვილეს კომპანიებს საბოლოო დარტყმა მიაყენა.
როგორც BBC-ის გამოქვეყნებულ მასალაში წერია, ჩინეთის სამხედროებთან სავარაუდო კავშირის გამო, კიდევ ცხრა ჩინური კომპანია დაემატა პენტაგონის შავ სიას, მათ შორისაა ტელეფონის მწარმოებელი Xiaomi. სამაგიეროდ, ჩინეთმა მიიღო ახალი კანონი, რომელიც ფირმების დაცვას ემსახურება.
ახალი შეზღუდვები გავლენას ახდენს, ჩინეთის ნავთობ გიგანტ CNOOC-სა და Xiaomi-ზე, რომელმაც ნოემბერში Apple-ს აჯობა და გახდა მსოფლიოში სიდიდით მესამე სმარტფონების მწარმოებელი.
გამოცემა წერს, რომ CNOOC შეუერთდება შავ სიას, რომელიც მოითხოვს ფირმებისთვის სპეციალური ლიცენზიის მინიჭებას, სანამ ისინი მაღალტექნოლოგიური საგნების ექსპორტს მოახდენენ აშშ-ს მომწოდებლებისგან. Xiaomi-ს აქციების ფასი კი გასულ კვირას აშშ-ში 14%-ით შემცირდა, ხოლო ჰონგ კონგში კი 11%-ზე მეტით.
შეგახსენებთ, რომ ბოლო რამდენიმე თვის განმავლობაში ტრამპმა მიზნად დაისახა ჩინური ტექნოლოგიური კომპანიების აკრძალვა, რომლებიც, მისი აზრით, ხელს უშლიან უსაფრთხოებას და პირად მონაცემებს მთავრობას უზიარებენ. ამ სიაშია TikTok, Huawei, WeChat და სხვა.
ფოტო: Getty Images
