Tesla ბიტკოინს აღარ გამოიყენებს, კრიპტოვალუტის ფასი 10%–ით დაეცა

ილონ მასკმა twitter-ზე გამოქვეყნებულ პოსტში განაცხადა, რომ Tesla ავტომობილების შესაძენად Bitcoin-ს აღარ გამოიყენებს. ამ tweet–ის შემდეგ კრიპტოვალუტის ფასი 10%–ით დაეცა. 

შეგახსენებთ, რომ ელექტრომობილების მწარმოებელმა Tesla–მ თებერვალში $1.5 მილიარდი Bitcoin–ი იყიდა, რამაც გარემოსდამცველთა და ინვესტორთა უკმაყოფილება გამოიწვია, სწორედ ამას უკავშირებენ ბაზრის ანალიტიკოსები Tesla–ს გადაწყვეტილებას. 

”კრიპტოვალუტა კარგი იდეაა, მაგრამ არ შეიძლება ამან გარემოს დიდი ზიანი მოუტანოს. ჩვენ შეშფოთებულნი ვართ იმის გამო, რომ სწრაფად იზრდება ნამარხი საწვავის გამოყენება Bitcoin–ის მოპოვებისა და ტრანზაქციებისათვის, განსაკუთრებით ქვანახშირის.“– განაცხადა მასკმა.

უკვე შესყიდულ ბიტკოინს კი ავტომობილების მწარმოებელი კომოანია არ გაყიდის და სხვადასხვა ოპერაციებისთვის გამოიყენებს. 

"გარემოსდაცვითი, სოციალური და კორპორატიული მართვის საკითხები ახლა მრავალი ინვესტორის მთავარი მოტივაციაა. ტესლას, როგორც სუფთა ენერგიის ფოკუსირებულ კომპანიას, სურს უკეთესად იმუშაოს ESG– ს გარემოსდაცვით სფეროში, მაგრამ ცინიკოსებმა შეიძლება თქვან, რომ ეს არის ილონ მასკის კიდევ ერთი ნაბიჯი კრიპტოვალუტის ბაზარზე გავლენის მოხდენის მიზნით, როგორც მან ეს გააკეთა სხვა მრავალ შემთხვევაში”, - ამბობს ჯულია ლიმ Burman Invest– დან.