ყველაზე კაშკაშა ვარდისფერი ბრილიანტი აუქციონზე $34.8 მილიონად გაიყიდა

კაშკაშა ვარდისფერი ბრილიანტი, რომელიც აღწერილია, როგორც ყველაზე მკვეთრი ვარდისფერი ბრილიანტი, რაც კი ბაზარზე ოდესმე გამოსულა, ნიუ-იორკში აუქციონზე $34,8 მილიონად გაიყიდა.

აუქციონის სახლის Sotheby's-ის თანახმად, ამ შესყიდვამ Fancy Purplish-Pink Diamond-ზე მსოფლიო საააუქციონო რეკორდი დაამყარა და ახალი ფასი თითო კარატზე $3,292,763-ით განისაზღვრა.

"მას ჰქვია "მარადიული ვარდისფერი" და საფუძლიანადაც. ეს არის 10,57 კარატი ლამაზი, ნათელი, მეწამული ვარდისფერი ბრილიანტი, რაც უიშვიათესი და ყველაზე ინტენსიურად გაჯერებული ფერია, რაც კი ოდესმე მინახავს. აქვს ბალიშის ფორმა და უნაკლო აგებულება“ - განმარტავს Sotheby's-ის ძვირფასეულობის განყოფილების უფროსი ვიცე-პრეზიდენტი ფრენკ ევერეტი.

23,78 კარატიანი უხეში ბრილიანტი, რომელსაც „მარადიული ვარდისფერი“ ეწოდა, ბოტსვანაში, Damtshaa-ს მაღაროში 2019 წელს მოიპოვეს. დამუშავებული ბრილიანტი ბაზარზე ექვსი თვის შემდეგ, ბალიშით ფორმითა და 10,57 კარატით გამოჩნდა.