მექსიკასა და პოლონეთში Pfizer-ის ყალბი ვაქცინა აღმოაჩინეს
Pfizer–ი აცხადებს, რომ მექსიკასა და პოლონეთში გამოვლინდა პირველი დადასტურებული ფაქტები, რომელიც ამტკიცებს, რომ კრიმინალებს მცდელობა ჰქონდათ ყალბი ვაქცინით მსოფლიო ვაქცინაციის კამპანია ბოტორად გამოეყენებინათ.
The Wall Street Journal-ის ინფორმაციით, მექსიკაში 80-მდე ადამიანმა მიიღო ვაქცინის ყალბი დოზა, თუმცა, როგორც ჩანს, მათ მნიშვნელოვანი დაზიანება არ გამოვლენიათ.
კომპანიის მიერ მოხდა ცალკეულ გამოკვლევებში ჩამორთმეული ფლაკონების შემოწმება და დაადასტურა, ვაქცინის სიყალბე. მექსიკაში ამოღებულ ფლაკონებს ასევე ჰქონდათ თაღლითური მარკირება, ხოლო პოლონეთში ფლაკონების შიგნით არსებული ნივთიერება, სავარაუდოდ, იყო ნაოჭების საწინააღმდეგო საშუალება.
”ვაქცინა პლანეტაზე ყველას სჭირდება. ამის გამო ბევრი სასოწარკვეთილია. ჩვენ ახლა გვაქვს ძალზე შეზღუდული მიწოდება, რომელიც გაიზრდება სხვადასხვა კამპანიის საშუალებით, მანამდე კი კრიმინალებისთვის შესანიშნავი შესაძლებლობაა ისარგებლონ არსებული სიტუაციით“,- თქვა ლევ კუბიაკმა, Pfizer– ის უსაფრთხოების უსაფრთხოების უფროსმა.
გასულ თვეში ჩინეთსა და სამხრეთ აფრიკაში პოლიციამ საწყობებში და საწარმოებში ათასობით დოზა ყალბი Covid-19 ვაქცინა ამოიღო და ათობით ადამიანი დააკავა.
მექსიკა ასევე იძიებს რუსეთიდან დაახლოებით 6,000 დოზა Sputnik ვაქცინის წარმომავლობას, რომელიც კერძო თვითმფრინავიდან ჰონდურასისკენ დაიძრა. რუსეთის პირდაპირი ინვესტიციის ფონდმა, რომელიც საერთაშორისო ვაქცინის ბაზარზე გადაზიდვას ახორციელებს, თქვა, რომ ჩამორთმეული დოზების ფოტოსურათების ანალიზი მათ სიყალბეზე მიანიშნებს.
”ყოველთვის, როდესაც გარკვეულ სფეროებში არის შეუსაბამობა მოთხოვნასა და მიწოდებას შორის, არსებობენ ადამიანები, რომელთაც სურთ შეავსონ ეს სხვაობა ყალბი საშუალებებით”, - თქვა ტონი პელიმ, BSI ჯგუფის კონსულტანტმა.
ბოლო ათწლეულის განმავლობაში რეცეპტით გაყალბებული წამლები უფრო მომგებიანი გახდა, აცხადებენ ინდუსტრიის და უსაფრთხოების წარმომადგენლები. ყალბი რეცეპტით გამოწერილი წამლის ბაზარი ყოველწლიურად 200 მილიარდ დოლარზე მეტია, აცხადებს PricewaterhouseCoopers–ის.
Pfizer– ის და პოლონეთის ხელისუფლების ცნობით, იანვრის თვეში პოლონეთის პოლიციამ ამოიღო არაერთი ფლაკონი, რომელიც სავსე იყო გაურკვეველი სითხით, რომელაც Pfizer-BioNTech ვაქცინა ეწოდა. პოლონეთის პროკურორების მიერ გამოძიების შედეგად, ყალბი დოზა არავის მიუღია. პოლონეთის პოლიციამ კი დააკავა ადამიანი, რომელსაც ბრალი ედება თაღლითობაში.
