მარსის ზედაპირზე ახალი რობოტია - ნასას როვერი წითელ პლანეტაზე დაჯდა

BBC-ის ინფორმაციით, ამერიკულმა კოსმოსურმა სააგენტომ წარმატებით დასვა თავისი Perseverance rover პლანეტის ეკვატორის მახლობლად მდებარე ღრმა კრატერში, სახელწოდებით Jezero.

“სასიხარულოა, რომ კოსმოსური ხომალდი შესანიშნავ ფორმაშია”, - თქვა მეთ უოლესმა, მისიის პროექტის მენეჯერის მოადგილემ. ექვსბორბლიანი მანქანა მომდევნო ორ წელიწადს ადგილობრივ კლდეებში, წარსული ცხოვრების მტკიცებულებების ძიებაში დახარჯავს.

"ჩვენ ლამაზ სიბრტყეზე ვართ. მანქანა მხოლოდ 1.2 გრადუსით არის დახრილი. ასე რომ, ჩვენ წარმატებით აღმოვაჩინეთ Jezero–ს ავტოსადგომი, ვამაყობ ჩემი გუნდით“, - თქვა ალენ ჩენმა, რომელიც ხელმძღვანელობდა სადესანტო ჯგუფს.

როდესაც პირველი ორი სურათი გამოჩნდა, რომელიც გადაღებულია დაბალი რეზოლუციის საინჟინრო კამერებით, ოვაციები დიდხანს გაგრძელდა.

მოვლენებს გამოეხმაურა ამერიკის პრეზიდენტიც და Twitter–ზე მილოცვა გამოაქვეყნა.

„ვულოცავთ NASA- ს და ყველას, ვისი შრომისმოყვარეობითაც შესაძლებელი გახდა Perseverance- ის ისტორიული დაშვება. დღეს კიდევ ერთხელ დაამტკიცა, რომ მეცნიერების ძალით და ამერიკული გენიალურობით არაფერია შეუძლებელი“– თქვა ჯო ბაიდენმა.