Heineken-მა რუსეთში არსებული ბიზნესი სიმბოლურ 1 ევროდ გაყიდა

ლუდის გიგანტმა Heineken-მა რუსეთში არსებული ბიზნესი სიმბოლურ 1 ევროდ გაყიდა. აქტივის ახალი მფლობელი Arnest ჯგუფია, რომელიც რუსეთში პარფიუმერიის, კოსმეტიკის, აეროზოლების და საყოფაცხოვრებო პროდუქტების უმსხვილესი მწარმოებელია. 

შეთანხმება გამოსყიდვას არ ითვალისწინებს -  ამის შესახებ Forbes-ს Heineken-ის პრესსამსახურში განუცხადეს.

გარიგების პირობების მიხედვით, მყიდველი ვალდებულია, დაფაროს რუსული ბიზნესის დავალიანება Heineken-ის მიმართ, რაც დაახლოებით €100 მილიონს შეადგენს.

გარიგება მოიცავს რუსეთში დარჩენილ ყველა აქტივს, მათ შორის ლუდის შვიდ ქარხანას. ისინი ექვსი თვის განმავლობაში გააგრძელებენ ლუდის წარმოებას Amstel-ის ბრენდის ქვეშ.