დიდი ბრიტანეთი Pfizer-ის COVID-ვაქცინის გამოყენებას მომავალი კვირიდან იწყებს
Pfizer-ისა და BioNTech-ის კორონავირუსის საწინააღმდეგო ვაქცინა ბრიტანეთის მედიკამენტებისა და ჯანმრთელობის პროდუქტების მარეგულირებელმა სააგენტომ MHRA-მ დაამტკიცა.
გამოცემა Independent-ი წერს, რომ კვლევების მიხედვით, ვაქცინა 95% შემთხვევაში ეფექტურია. ქვეყანაში მომავალი კვირიდან მოსახლეობის ფართომასშტაბიანი ვაქცინაცია დაიწყება.
”ეს არის მნიშვნელოვანი წინ გადადგმული ნაბიჯი Covid-19- ის წინააღმდეგ”-თქვა ნადიმ ზაჰავიმ.
ოთხშაბათს დილით გამოქვეყნებულ განცხადებაში, ჯანმრთელობისა და სოციალური დაცვის დეპარტამენტმა განაცხადა, რომ მთავრობამ მიიღო რეკომენდაცია დიდი ბრიტანეთის დამოუკიდებელი მარეგულირებლისგან, მედიკამენტებისა და ჯანმრთელობის პროდუქტების მარეგულირებელი სააგენტოსგან (MHRA), რომ დამტკიცდეს ვაქცინის გამოყენება.
”გადაწყვეტილება კვლევებსა და MHRA– ს ექსპერტთა მონაცემების საფუძვლიან ანალიზს ემყარება, რომლის შედეგადაც ვაქცინა აკმაყოფილებს უსაფრთხოების, ხარისხისა და ეფექტურობის მკაცრ სტანდარტებს.
