Coca-Cola პლასტმასის ბოთლის ქაღალდით ჩანაცვლებას გეგმავს

Coca-Cola პლასტმასის ბოთლს ჩაანაცვლებს გადამუშავებული მყარი ქაღალდის ბოთლით.

პროტოტიპი დანიის კომპანიამ დაამზადა მყარი ქაღალდის გარსისგან, რომელიც ჯერ კიდევ შეიცავს თხელ პლასტმასის ლაინერს, მაგრამ კომპანიის მიზანია 100%-ით გადამუშავებადი ჭურჭლის შექმნა, რომელიც ხელს უშლის გაზიანი სასმელებისგან გაზის გაჟონვას.

როგორც BBC-ი წერს, არის საფრთხე, რომ ეს სასმელების გემოს ცვლილებას გამოიწვევს ან შესაძლოა ჯანმრთელობისა და უსაფრთხოების შემოწმება ვერ გაიაროს.

ამის მიუხედავად, ინდუსტრიის გიგანტები მხარს უჭერენ ამ გეგმას. მაგალითად, Coca-Cola–მ მიზნად დაისახა ნულოვანი ნარჩენების წარმოება 2030 წლისთვის.

BBC-ის ინფორმაციით, შვიდ წელზე მეტი ლაბორატორიული მუშაობის შემდეგ, კომპანია ახლა უკვე მზად არის უნგრეთში კოკა-კოლას ხილის სასმელის Adez-ის საცდელი პერიოდის ჩატარებისთვის. თავდაპირველად, ეს მოიცავს 2000 ბოთლს, რომელიც ნაწილდება ადგილობრივი საცალო ქსელის საშუალებით.

Coca-Cola-ს და Absolut-ის ტესტები იქნება პირველი რეალური ტესტი იმისა, შეუძლია თუ არა ამ ტექნოლოგიას გაუძლოს უხეშ ლოგისტიკას.