BioNTech/Pfizer-ის ვაქცინის შენახვა ჩვეულებრივ მაცივარშიც შეიძლება

BioNTech/Pfizer–ი აცხადებენ, რომ Covid საწინააღმდეგო ვაქცინები აღარ საჭიროებს ულტრა ცივ შენახვას.

Indiatoday-ს ცნობით, კომპანიებმა აშშ-ს ჯანმრთელობის მარეგულირებელ ორგანოებს ახალი მონაცემები წარუდგინეს, სადაც ნაჩვენებია მათი Covid-19 ვაქცინის სტაბილურობა, ჩვეულებრივ, ფარმაცევტულ საყინულეებსა და მაცივრებში.

ცნობილი იყო, რომ Pfizer-ის კორონავირუსის ვაქცინა უნდა ინახებოდეს -70 გრადუს ცელსიუსზე, რაც ლოგისტიკურ სირთულეებს ქმნიდა დაბალშემოსავლიანი ქვეყნებისთვის, რომელთაც არ გააჩნიათ შესაბამისი ინფრასტრუქტურა.

ახალი მონაცემებით კი, ვაქცინის ფლაკონების შენახვა -25 ° C- დან -15 ° C- მდე, ორი კვირის განმავლობაშია შესაძლებელი.

ფოტო: scientificamerican.com