ფინანსები
13/03/2020
თიბისი საშეღავათო პროცედურების დამუშავებას მომავალი კვირიდან დაიწყებს
თიბისი ბანკი საშეღავათო პერიოდთან დაკავშირებული პროცედურების დამუშავება მომავალი კვირიდან დაიწყებს.
ბანკის ცნობით, შეღავათებთან დაკავშირებით დეტალურ ინფორმაციას მომხმარებლები ინდივიდუალურად მიიღებენ.
"თიბისი ყველა მომხმარებელს დისტანციური არხებით დაუკავშირდება, ისე, რომ მათ არ მოუხდეთ ფილიალებში მოსვლა და საშეღავათო პირობებზე კომუნიკაცია მოხდება ინდივიდუალურად", - განმარტავენ ბანკში.
შეგახსენებთ, რომ თიბის ბანკმა ყველა ფიზიკურ პირს, მიკრო, მცირე და საშუალო ბიზნეს მსესხებელს და ასევე ყველა ბიზნესს, რომელიც ტურისტულ, კვების და ისეთ ინდუსტრიაში საქმიანობს, რომელიც საზოგადოებრივი თავშეყრით ხასიათდება, სესხების შენატანზე სამთვიანი საშეღავათო პერიოდი შესთავაზოს.
საშეღავათო პერიოდი შეეხება სესხის როგორც ძირს, ისე პროცენტს.
