ფინანსები
08/11/2021
TBC Capital: გამკაცრებული მონეტარული პოლიტიკის შერბილებას 2022 წლის მე-2 კვარტლიდან ველით
TBC Capital–ი 2021-2022 წლებისთვის მონეტარული პოლიტიკის განაკვეთის პროგნოზს უცვლელად ინარჩუნებს.
მთავარი ეკონომისტის შეფასებით, ინფლაციაზე ყველაზე ძლიერ მოქმედი ფაქტორი ლარია და იმ დაშვებით, რომ მსოფლიო ბაზრებზე სასაქონლო პროდუქტების მორიგი „სუპერციკლი“ 2022 წელს არ დაფიქსირდება, სტაბილური ლარის პირობებში ცალკეული პროდუქტების ფასების ზრდა ჯამურად მაღალ ინფლაციას ვერ გამოიწვევს.
"ასევე საყურადღებოა, რომ ლარის გრძელვადიანი განაკვეთები მოკლევადიანზე ნაკლებია, რაც ბაზრის მონაწილეების მიერ რეფინანსირების განაკვეთის ასევე შემცირების მოლოდინებს ასახავს. ჩვენი პროგნოზის მიხედვით, გამკაცრებული მონეტარული პოლიტიკის შერბილება 2022 წლის მე-2 კვარტალში უნდა დაიწყოს."–ნათქვამია, მთვარი ეკონომისტის განახლებულ ანგარიშში.
