თამაზ გიორგაძის Raisin-მა €60 მლნ-იანი საინვესტიციო რაუნდი ჩახურა
ბერლინში დაფუძნებულმა ფინტექმა Raisin-ი E დაფინანსების სერიაში, არსებული და ახალი ინვესტორებისგან €60 მლნ-ის მოზიდვა მოახერხა. მათ შორის კი აშშ-ს საინვესტიციო ბანკი Goldman Sachs-ც და $400 მლრდ-იანი აქტივების მქონე M&G Investments-ც იყვნენ.
გლობალური დანაზოგების და ინვესტიციების ფინტექმა ცოტა ხნის წინ 1 მილიონ მომხმარებელს გადააჭარბა, რომელთათვისაც 2012 წელს, კომპანიის დაარსების შემდეგ, ჯამში €850 მლნ-ს ოდენობით საპროცენტო სარგებელი გამოიმუშავა.
Raisin უკვე ნახევარი წელია მომგებიანია და ამჟამად გლობალურად მომხმარებლების €38 მლრდ-ის აქტივებს მართავს, რაც ბოლო 6 თვეში 30%-ით გაზრდილი მაჩვენებელია. მათ შორის, ფინტექ კომპანია ამერიკის შეერთებულ შტატებში 1 მლრდ-ის აქტივს მართავს, სადაც 2020 წელს შევიდა. ინვესტიციის მოზიდვაში Raisin-ს მხარს Goldman Sachs Bank Europe უჭერდა, რომელიც მოქმედებდა როგორც ერთადერთი განთავსების აგენტი ტრანზაქციაზე.
შეგახსენებთ, გასული წლის ზაფხულში კომპანიამ Goldman Sachs-ი ახალი დაფინანსებების მოძიებისთვის დაიქირავა. Raisin-ის ინვესტორები მსოფლიოში ყველაზე ცნობილი ტექნოლოგიების ინვესტორები არიან, როგორებიცაა Index Ventures და PayPal Ventures, ასევე PayPal-ის თანადამფუძნებელი პიტერ ტიელი და Goldman Sachs.
Raisin-ი ქართველმა ანტრეპრენიორმა თამაზ გიორგაძემ ფრანკ ფროინდთან და მაიკლ სტეფანთან ერთად, 2012 წელს, ბერლინში დააფუძნა. ის კომპანიაში CEO-ს პოზიციაზეცაა წარმოდგენილი.
