საკრედიტო-საგარანტიო სქემის ფარგლებში გარანტია 62 სესხზეა გაცემული
საკრედიტო-საგარანტიო სქემის ფარგლებში, ბოლო მონაცემებით გარანტია 62 სესხზეა გაცემული.
როგორც სააგენტოს მეწარმეობის დეპარტამენტის უფროსმა განმარტა, გარანტია უკვე 50 მილიონ ლარზეა გაცემული.
ლაშა ბოსტაშვილის ინფორმაციით, ბენეფიციართა მხრიდან მოთხოვნა ძირითადად ახალ სესხებზეა, თუმცა ბოლო პერიოდში გამოიკვეთა რესტრუქტურიზებული სესხების მიმართულებითაც მომხმარებელთა ინტერესი.
„ჩვენ როდესაც ვაანალიზებდით მიმდინარე პროცესს, ვნახეთ, რომ მოთხოვნა იყო ახალ სესხებზე და არა რესტრუქტურიზაციაზე, რის შემდეგაც გვქონდა ბანკებთან ინტენსიური კომუნიკაცია. უკვე დაახლოებით 5%-მდე გაიზარდა რესტრუქტურიზებული სესხები მთლიან პორტფელში. ახლა საბანკო სექტორისგან ველოდებით დამუშავებულ პროექტებს და გვაქვს მოლოდინი, რომ რეზტრუქტურიზებული სესხების რაოდენობა გაიზრდება,“ - განაცხადა ლაშა ბოსტაშვილმა.
