Payme ₾33 მლნ-იან მოგებაზეა

TBC PLC-ის გადახდების ოპერატორმა უზბეკეთში, Payme-მ FY22-ში ჯგუფის მოგებაში 33.2 მლნ ლარიანი კონტრიბუცია შეიტანა.

მათ შორის, 4Q22-ში მოგება 12.8 მლნ იყო, 80%-იანი ზრდით y.y (70.7% q.q). წლის განმავლობაში კომპანიამ 51.1 მლნ ლარის საოპერაციო შემოსავალი მიიღო (+77% y.y).

Payme-თ გადახდების მოცულობამ უზბეკეთში FY22-ში 7.4 მლრდ ლარი შეადგინა (+57% y.y), მაშინ როდესაც საქართველოში TBC-ის POS ტერმინალებზე გადახდებმა 5.6 მლრდ ლარი შეადგინა (+37% y.y), ხოლო, TBC-ის ბარათებით გადახდებმა კი 23.9 მლრდ ლარი (+31% y.y).

“სინერგიის გამოსაყენებლად ვგეგმავთ საოპერაციო კოორდინაციის გაზრდას TBC UZ Bank-სა და Payme-ს შორის, რაც საშუალებას მოგვცემს კიდევ უფრო მეტი პოტენციალი გამოვავლინოთ ორი ბიზნესისთვის”, აცხადებს TBC-ის CEO ვახტანგ ბუცხრიკიძე.