მომგებიანი ბანკები - წლის მე-2 ნახევარში სექტორმა მოგება გააორმაგა
2022 წელს 11 ბანკი 2.1 მილიარდი ლარის მოგებით ასრულებს. ზარალზე რჩება 3 ბანკი, მ.შ ყველაზე ზარალიანია სანქცირებული რუსული ბანკის შვილობილი ვითიბი, 51,3 მილიონი ლარით.
5 მილიონი კი პაშა და სილქ ბანკის ზარალზე მოდის. აზერბაიჯანული პაშა ბანკს, რომელიც მე-2 ბრენდითაც (რე ბანკი) არის წარმოდგენილი, ₾ 2.1 მლნ-ის ზარალი აქვს, სილქ ბანკს - ₾2.9 მილიონი.
სექტორის წმინდა მოგებამ წლის I ნახევარში (H1/2022) 836 მლნ ლარი, მე2-ში (H2/2022) კი 1,249 მლრდ ლარი შეადგინა.
|
H2/2022 ₾ |
H1/2022 ₾ |
BOGG |
555.633.000 |
368.710.000 |
TBC |
408,938.000 |
430.598.000 |
LB |
46,320.000 |
20.620 000 |
BB |
22.568.000 |
31.738.000 |
Cartu |
38.344.000 |
14.475.000 |
Procredit |
25.645.000 |
22.385.000 |
წყარო: კომერციული ბანკები
2023 წლის იანვრიდან სექტორი უფრო მაღალ მოგებას დაწერს. IFRS-ზე გადადის (ანგარიშგების საერთაშორისო სისტემა), რომელიც gaap-ზე (სებ-ის მეთოდოლოგია) ლიბერალურია, ძირითადად დარეზერვების ნაწილში. „მეტობით“ დარეზერებული, ანგარიშგების ცვლილებისთანავე „ამოტრიალდება“, ანუ ბუღალტრულად ბანკს უფრო მაღალი მოგება გამოუჩნდება და შესაბამისად, ბიუჯეტში გადასახდელიც. ტვირთს 20%-მდე ახლადგაზრდილი გადასახადიც ამძიმებს.
IFRS-ის სიმსუბუქის კორექციითვის კი, რისკების დასაბალანსებლად, საჭირო ხდება კაპიტალის ახალი ბუფერის ამოქმედება, CRA-ის. ბანკების ლობი იმედს იტოვებს, რომ სებ-ი კონტრციკლური ბუფერის ამოქმედებას მაინც გადაიფიქრებს, გაზაფხულამდე (რა პერიოდისთვისაც აქვს დაანონსებული).