MBC: მიკროსაფინანსო სექტორში საპროცენტო განაკვეთების ზრდა დეფოლტის რისკს გაზრდის

MBC-ის გენერალური დირექტორის განცხადებით, მიკროსაფინანსო სექტორს საპროცენტო განაკვეთის ზრდის რესურსი აღარ აქვს.

როგორც გია პეტრიაშვილმა „ბიზნესპარტნიორთან“ საუბრისას განმარტა, მისოების სესხების საპროცენტო განაკვეთი გადახსისუნარიანობის ჭერთან ძალიან ახლოსაა.

„გეტყვით პირდაპირ, რომ ჩვენი გადმოსახედიდან საკმაოდ მაღალია მიკროსაფინანსო სექტორის სესხები. შესაბამისად, არანაირი რესურსი არ გვაქვს, რომ გავზარდოთ საპროცენტო განაკვეთები და ამით დავაკომპენსიროთ ხარჯები. აქედან გამომდინარე, მისოებში სესხების გაძვირების შესაძლებლობა ფაქტობრივად არ არსებობს,“ - აღნიშნა MBC-ის გენერალურმა დირექტორმა.

გია პეტრიაშვილის განმარტებით, სესხებზე საპროცენტო განაკვეთის მატება შესაძლო დეფოლტის რისკს ზრდის.

„გარკვეული გამონაკლისების გარდა, მიკროსაფინანსო სექტორი 21-25%-იან საპროცენტო განაკვეთში ახდენს დაკრედიტებას. თუ მოხდება ამ საპროცენტო განაკვეთების ზრდა, დეფოლტის რისკი რა თქმა უნდა, მოიმატებს. მითუმეტეს იმ ფონზე, როცა პანდემიამ ჩვენი კლიენტების უმრავლესობისთვის შემოსავლების შემცირება გამოიწვია.“-განაცხადა გია პეტრიაშვილმა.