MBC: ამდენი გაურკვევლობა საერთაშორისო ინსტიტუტებთან ურთიერთობას ართულებს
მიკროსაფინანსო ორგანიზაცია MBC-ი საერთაშორისო ორგანიზაციებთან გართულებულ ურთიერთობაზე საუბრობს.
„ამდენი გაურკვევლობა საერთაშორისო ინსტიტუტებთან ურთიერთობას ძალიან ართულებს,“ - ამბობს MBC-ის გენერალური დირექტორი. გია პეტრიაშვილი "ბიზნესპარტნიორთან" განმარტავს, რომ გრძელვადიანი გეგმების გარეშე ოპერირება ბევრ პრობლემას აჩენს.
„ჩვენც გვაქვს მოზიდული სახსრები საერთაშორისო ინსტიტუტებიდან და ყველას აინტერესებს თუ რა გეგმები გვაქვს მიმდინარე წელს. რა თქმა უნდა, ეს ყველაფერი ძალიან რთული დასაგეგმია, როცა ამდენი განუსაზღვრელობა არსებობს. ერთი მხრივ პანდემიის კუთხით და მეორე მხრივ ვალუტის კურსის გაუფასურების მიმართულებით. მოზიდული სახსრები საერთაშორისო ინსტიტუტებიდან ჩვენ გვაქვს უცხოურ ვალუტაში და შესაბამისად, მისი გადაფასება ვალუტის კურსის გამო, უარყოფით გავლენას ახდენს ჩვენს მოგება-ზარალის უწყისზე. ეს ძალიან მნიშვნელოვანი უარყოფითი ფაქტორია საერთაშორისო ინტიტუტებისთვისაც დ ჩვენთვისაც, რა თქმა უნდა,“ - განაცხადა გია პეტრიაშვილმა.
